மிஷன் பாரத்தோடு வாழ்வோம்

ஒன்றுமில்லாதவர்களுக்குப் பங்குகளை அனுப்புங்கள் (நெகே 8:10). ஆண்டவரும் , இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய நாளில் தியானத்துக்காக எடுத்துக் கொள்ளுவோம். பிரியமானவர்களே, கர்த்தர் இன்றைக்கு எங்களை ஆசிர்வதித்து இருப்பது மற்றவர்களுக்கு நாங்கள் ஆசீர்வாதமாக   இருப்பதற்கு தான். இன்று நாங்கள் நல்லதொரு ஒரு வீட்டில் வசிக்கிறோம், நாமும், நம்முடைய பிள்ளைகளும் ஒவ்வொரு நாளும் விதம் விதான ஆடைகளை அணிகிறோம்,  மூன்று வேளைக்கும் மேலாக சாப்பிடுகிறோம் . ஆனால் அநேக தேசங்களில் ( ஆபிரிக்க ) ஜனங்கள் ஒரு வேளை உணவு உண்ணுவதுக்குக் கூட வசதியற்ற நிலைமையில் இருக்கிறார்கள், அவர்களுக்கு அணிய ஆடை இல்லாத நிலைமையில் இருக்கிறார்கள், இன்னும் அநேக தேசங்களில் (ஆப்பிரிக்கா, ஆசியா) ஜனங்கள் தண்ணீர் வசதிகள், மருத்துவ வசதிகள் இல்லாமல், போதிய சுகாதார வசதிகள் இல்லாமல் நாளுக்கு நாள் மரிக்கிறார்கள், இன்னும் சில தேசங்களில் கல்வி கற்க கல்வி வசதிகள் இல்லை , போதுமான பாடசாலைகள் இல்லை ஆசிரியர்கள் பற்றாக்குறை , படிக்க பண வசதிகள் இல்லை , இப்படியாக தேசங்களில் ஜனங்கள் இன்று பல்வேறு தேவைகளோடு வாழ்ந்து கொண்டிருக்கிறார்கள். ஆகவே கர்த்தர் இன்று நம்மை வாழ்க்கையில் ஆசிர்வதித்து இருப்பதன் நோக்கத்தை அறிந்தவர்களாக நம்மலால் முடிந்த, இயன்ற அளவு ஏதோ ஒரு விதத்தில், முறையில் இப்படிப்படடவர்களின் தேவைகளை அறிந்து அவர்களுடைய தேவைகளை நாம் சந்திப்போம். அல்லேலூயா ! நீதிமொழிகள் 19:17 சொல்லுகின்றது, ஏழைக்கு இரங்குகிறவன் கர்த்தருக்குக் கடன்கொடுக்கிறான் என்று. மற்றும் நீதிமொழி 3: 27 சொல்லுகிறது , நன்மைசெய்யும்படி உனக்குத் திராணியிருக்கும்போது, அதை செய்யத்தக்கவர்களுக்குச் செய்யாமல் இராதே. ஆகவே கால தாமதம் பண்ணாமல் இன்றையிலிருந்து, ஒரு மிஷன் பாரத்தோடு  நன்மை செய்ய நமக்கு திராணியிருக்கும் போதே ஒன்றுமில்லாதவர்களுக்கு நம்முடைய பங்குகளை அனுப்புவோம். அல்லேலூயா ! தேவன் இயேசு உங்களையும், உங்கள் குடும்பத்தையும் ஆசீர்வதிப்பாராக.