சக விசுவாசிகளுக்காக ஜெபிக்க வேண்டிய ஐந்து காரியங்கள்

நம்முடைய கர்த்தராகிய இயேசுகிறிஸ்துவும், நம்மிடத்தில் அன்புகூர்ந்து நித்திய ஆறுதலையும் நல்நம்பிக்கையையும் கிருபையாய் நமக்குக் கொடுத்திருக்கிற நம்முடைய பிதாவாகிய தேவனும், உங்கள் இருதயங்களைத் தேற்றி, எல்லா நல்வசனத்திலும் நற்கிரியையிலும் உங்களை ஸ்திரப்படுத்துவாராக (2 தெசலோ 2:16-17) ஆண்டவரும் , இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள இரண்டு  வேத வசனங்களையும் இன்றைய நாளில் தியானத்துக்காக எடுத்துக் கொள்ளுவோம். பிரியமானவர்களே, அப்போஸ்தலர் பவுல் தெசலோனியருக்காக தேவனிடத்தில் ஜெபிக்கும் போது, அவர்களுக்கு நித்திய ஆறுதலும், நல் நம்பிக்கையும் தேவனிடத்தில் கிருபையாக பெருகியிருக்க வேண்டும் என்றும், அவர்களுடைய இருதயங்கள் தேற்றப்பட வேண்டும் என்றும், அவர்கள் எல்லா நல்வசனத்திலும்,  நற்கிரியையிலும் ஸ்திரப்பட்டிருக்க வேண்டுமென்றும் அவர்களுக்காக ஜெபிக்கிறார். நம்முடைய இருதயம் ஸ்திரப்படவேண்டுமென்றால் நம்முடைய இருதயம் ஆறுதலினால் நிரம்பியிருக்க வேண்டும். அல்லேலூயா ! நாமும் கிறிஸ்துவை ஏற்றுக் கொண்ட நம்முடைய சகோதர்களுக்காக , சகோதரிகளுக்காக ஜெபிக்கும் போது இயேசுவின் நாமத்தில் தேவனிடம் அவர்களுடைய ஆறுதலுக்காகவும், நல் நம்பிக்கைக்காகவும், தேவன் அவர்களுடைய இருதயங்களைத் தேற்றி, எல்லா நல்வசனத்திலும்,  நற்கிரியையிலும் அவர்களை ஸ்திரபடுத்த வேண்டுமென்றும் ஜெபிக்க வேண்டும். அல்லேலூயா ! தேவன் இயேசு உங்களையும்  , உங்கள் குடும்பத்தையும் ஆசீர்வதிப்பாராக. ஆமென்.