உங்களை அழைத்தவர் உண்மையுள்ளவர்

உங்களை அழைக்கிறவர் உண்மையுள்ளவர், அவர் அப்படியே செய்வார் (1 தெ 5:24 ). ஆண்டவரும் , இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய நாளில் தியானத்துக்காக எடுத்துக் கொள்ளுவோம். பிரியமானவர்களே, கர்த்தரே உங்களை அழைக்கின்றவர், அவர் உங்களை மனுஷர்கள் போல் இடையில் கை விட்டு விடுபவரல்ல, முடிவு பரியந்தம் உங்களை நடத்திச் செல்ல அவர் உண்மையுள்ளவராக இருக்கின்றார். கர்த்தருடைய உண்மையே நமது வாழ்க்கைக்கு ஒரு நல்ல பாதுகாப்பாக இருக்கின்றது. அல்லேலூயா ! கர்த்தரை நம்புங்கள் அவர் உங்கள் மீது, உங்கள் வாழ்க்கையில் வைத்திருக்கின்ற சித்தம் உண்மையாய் நிறைவேறும். ஏனெனில் உங்களை அழைத்தவர் உண்மையுள்ளவர், உங்களை எதற்காக அழைத்தாரோ, அவருடைய அழைப்பின் நோக்கத்தை, அவருடைய சித்தத்தை உண்மையாய் உங்களுடைய வாழ்க்கையில் நிறைவேற்றுகிறவர், அதை எந்த தீய சக்தியாலும், எந்த மனுஷனாலும் தடை செய்ய முடியாது. அல்லேலூயா ! கர்த்தரை  விசுவாசியுங்கள், உங்களை அழைக்கிறவர் உண்மையுள்ளவர், அவர் அப்படியே செய்வார். அலேலூயா ! தேவன் இயேசு உங்களையும், உங்கள் குடும்பத்தையும் ஆசீர்வதிப்பாராக.