பிள்ளையை எப்படி வளர்க்கவேண்டும், எப்படி நடத்தவேண்டும்

அப்பொழுது மனோவா: நீர் சொன்ன காரியம் நிறைவேறும்போது, அந்தப் பிள்ளையை எப்படி வளர்க்கவேண்டும், அதை எப்படி நடத்தவேண்டும் என்று கேட்டான் (நியா 13:12) ஆண்டவரும், இரட்சகருமாகிய  இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக் கொள்ளுவோம். பிரியமானவர்களே, இங்கே ஒரு தகப்பன் (மனோவா) தங்களுக்கு பிறக்க போகும் குழந்தையை எப்படி வளர்க்க வேண்டும் , எப்படி நடத்த வேண்டும் என்று ஆண்டவரிடம் ஆலோசனை கேட்க்கின்றான். ஆம் பிரியமானவர்களே, வேதம் சொல்லுகிறது , பிள்ளைகள் கர்த்தரால் வரும் சுதந்தரம், கர்ப்பத்தின் கனி அவரால் கிடைக்கும் பலன் ( சங் 127 ) என்று.  உலகத்தில் எத்தனை பேருக்கு பிள்ளைகள் இல்லாமல் இருக்கிறார்கள் , ஆனால் இன்று தேவன் எங்களை பிள்ளைகள் செல்வத்தினால்  ஆசிர்வதித்து இருக்கார். ஆகவே தேவன் எங்களுக்கு கொடுத்த பிள்ளைகளுக்காக, அவருக்கு ஒவ்வொரு நாளும் நன்றி செலுத்தி , மனோவா போல், பெற்றோராகிய நாங்கள் ஒவ்வொருவரும் பிள்ளைகளை எப்படி வளர்க்க வேண்டும், எப்படி நடத்த வேண்டும் என்று தேவனிடம் ஆலோசனையைப் பெற்று, அவர்களை அவருடைய ஆலோசனையின் படி நடத்தி தேவன் பிள்ளைகளுடைய வாழ்க்கையில் வைத்திருக்கிற சித்தத்தை, திட்டத்தை, நோக்கத்தை நிறைவேற்றுவோம். அல்லேலூயா ! தேவன் இயேசு உங்களையும், உங்கள் குடும்பத்தையும் ஆசீர்வதிப்பாராக.