பிரயோஜனமாயிருக்கிறதை உங்களுக்குப் போதித்து, அவற்றில் வழி நடத்தும் தேவன்

பிரயோஜனமாயிருக்கிறதை உனக்குப் போதித்து, நீ நடக்கவேண்டிய வழியிலே உன்னை நடத்துகிற உன் தேவனாகிய கர்த்தர் நானே (ஏசா 48:17). ஆண்டவரும் , இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக் கொள்ளுவோம். பிரியமானவர்களே, கர்த்தர் உங்களை சிருஷ்டித்தது மாத்திரமல்ல , அவர் உங்களுக்கு நல்ல ஆலோசனைக் கர்த்தராகவும், உங்களுக்கு அவர் நல்ல போதகராகவும் இருக்கிறார். அல்லேலூயா ! ஆகவே தேவன் இயேசு கிறிஸ்து மீது உங்களுடைய விசுவாசத்தை வைத்து அவரிடம் நீங்கள் வாழ்க்கையில் நடக்க வேண்டிய வழியையைக் காண்பிக்கும் படி ஆலோசனை கேட்க்கும் போது அவர் உங்களுக்கு நல்ல போதகராக இருந்து, பிரயோஜனமாயிருக்கிறதை உங்களுக்கு போதித்து, உங்களை வாழ்க்கையில் நடத்த வேண்டிய வழியிலே வழி நடத்தி, உங்களை அவர் மானிடனாக சிருஷ்ட்டித்து, இந்த பூலோகத்துக்கு உங்களைக் கொண்டு வந்த அவரின் நோக்கத்தையும், திட்டத்தையும் நிறைவேற்ற தேவன் உண்மையுள்ளவராக இருக்கிறார். அல்லேலூயா !  தேவன் உங்களுக்காக ஆயத்தப்படுத்தி வைத்திருக்கும் வழிகளில் நீங்கள் நடக்கும் போது, அங்கே பாடுகள், உபத்திரவங்கள், நிந்தைகள், அவமானங்கள் வந்தாலும், கர்த்தர் உங்களோடு இருந்து உங்களுக்கு அவற்றை சகிக்கத் தேவையான பொறுமையையும், பெலத்தையும் தருவதோடு உங்களுக்கு அவற்றை மேட் கொண்டு வாழ்க்கையில் ஜெயத்தைப் பெறவும் உதவி செய்வார். எப்படியாக இஸ்ரவேல் ஜனங்களை தேவன் எகிப்தின் அடிமைத்தனத்தில் இருந்து மீட்டெடுத்து அவர்களை பாலும், தேனும் ஓடுகிற வாக்குத் தத்த பூமிக்குள் அழைத்துச் செல்லும் போது, பெலிஸ்தரின் தேசவழியாய்ப் போவது அவர்களுக்கு சமீபமாயிருந்தும் அவர்களை அந்த வழியில் நடத்தாமல் , தான் அவர்களுக்காக ஆயத்தப்படுத்தி வைத்திருந்த தூரமான சிவந்த சமுத்திரத்தின் வனாந்தர வழியாய் அவர்களை சுற்றிப் போகப்பண்ணி  அவர்களுக்கு எதிராய் நின்ற செங்கடலை இரண்டாகப் பிளந்து அவர்களை வெட்டாந்தரையின் வழியாய் நடத்தி அவர்களுக்கு ஜெயத்தைக் கொடுத்தாரோ, அதே போல் நீங்களும் தேவன் நடத்துகிற வழியில் நடக்கும் போது அந்த வழியில் உங்களுக்கு எதிராக வரும் செங்கடல், எரிகோ போன்றதான பெரிதான பிரச்சனைகளையும் நீங்கள் மேட்கொள்ள அவர் உங்களுக்கு செய்வதோடு, உங்களுடைய வாழ்க்கையில் அவர் வைத்திருக்கிற அவருடைய சித்ததையும் நிறைவேற்ற தேவன் வல்லமையுள்ளவராகவும், உண்மையுள்ளவராகவும் இருக்கிறார். அல்லேலூயா ! தேவன் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.