வேதனையைக் கூட்டிடாத கர்த்தருடைய ஆசிர்வாதம்

கர்த்தரின் ஆசீர்வாதமே ஐசுவரியத்தைத் தரும்; அதனோடே அவர் வேதனையைக் கூட்டார் என்று (நீதி 10:22). ஆண்டவரும், இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய நாளில் தியானத்துக்காக எடுத்துக் கொள்ளுவோம். பிரியமானவர்களே , இந்நாட்களில் ஜனங்கள் பிழையான வழிகளில் , அநீதியான வழிகளில் ஐசுவரியத்தை சம்பாதிக்கிறார்கள், அவ்வாறு சம்பாதிக்கப்படும் ஐசுவரியத்தில் கர்த்தருடைய ஆசிர்வாதம் இருக்காது, அவர்களுடைய வாழ்க்கையில் சந்தோசம், ஆறுதல், சமாதானம், நிம்மதியிருக்காது இவற்றுக்குப் பதிலாக வேதனையே இருக்கும். ஆனால் யாரெல்லாம்  கர்த்தருடைய சித்தத்துக்கும், விருப்பத்திட்கும் , திடடத்துக்கும் கீழ்ப்படிந்து, கர்த்தருக்குப் பயந்து தங்களுடைய வேலையில் உண்மையுள்ளவர்களாக இருந்து ஐசுவரியத்தை சம்பாதிக்கிறார்களோ , அவ்வாறு சம்பாதிக்கப்படும் அவர்களுடைய ஐசுவரியம் கொஞ்சமாக இருந்தாலும் , அவர்களுடைய ஐசுவரியத்தில் கர்த்தருடைய ஆசிர்வாதம் நிலைத்திருக்கும். அதனால் தான் வேதம் சொல்லுகிறது , கர்த்தரின் ஆசீர்வாதமே ஐசுவரியத்தைத் தரும்; அதனோடே அவர் வேதனையைக் கூட்டார் என்று. அல்லேலூயா ! கர்த்தர் இயேசு உங்களையும், உங்கள் குடும்பத்தையும் ஆசீர்வதிப்பாராக.