ஆண்டவர் கட்டளையிடாதிருக்கக் காரியம் சம்பவிக்கும் என்று சொல்லுகிறவன் யார்? (UK Lockdown - Day 41)

ஆண்டவர் கட்டளையிடாதிருக்கக் காரியம் சம்பவிக்கும் என்று சொல்லுகிறவன் யார்? (புல 3:37). 

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில்    தியானத்துக்காக எடுத்துக்கொள்ளுவோம்.

பிரியமானவர்களே, கர்த்தருடைய தீர்க்கதரிசி நெருக்கத்திலிருந்த யூதா குடிகளையும், எருசலேம் ஜனங்களையும் பார்த்துச் கேட்க்கிறார் “ஆண்டவர் கட்டளையிடாதிருக்கக் காரியம் சம்பவிக்கும் என்று சொல்லுகிறவன் யார்?” என்று. 

ஆம் பிரியமானவர்களே, அன்று யூதா ஜனங்களுக்கு சூழ்நிலை விரோதமாக இருந்தது போல, நம்முடைய சூழ்நிலைகளும் நமக்கு எதிராக, ஒரு அடைக்கப்பட்ட நிலையில் இருக்கின்ற இந்நாட்களில் அநேக கள்ளத் தீர்க்கதரிசிகள் உருவாகியுள்ளனர், இவர்கள் ஒரு குறிப்பிடட காலத்தை, ஒரு நாளை கூறி இந்த நாட்களில் கொரோனா அழிந்து போய் விடும் என்று கூறுகிறார்கள். 

பிரியமானவர்களே, தங்களுடைய பெயர்களை பிரசித்தப்படுத்துவதட்க்காக கர்த்தர் சொன்னார் என்று பொய்யாக இயேசுவின் நாமத்தில் தீர்க்க தரிசனம் உரைக்கும் கள்ளத் தீர்கதரிசிகளுக்கு எச்சரிக்கையாயிருங்கள். ஆண்டவர் கட்டளையிடாதிருக்கக் கொரோனா அழியும்  என்று சொல்லுகிறவன் யார்? 

பிரியமானவர்களே, இன்று நீங்கள் உயிரோடு இருக்கிறீர்களென்றால் அது கர்த்தருடைய கிருபை. 

ஆகவே பிரியமானவர்களே, கர்த்தரை விசுவாசித்து கர்த்தருடைய வேளைக்காக, அமைதியாய் காத்திருங்கள், கர்த்தர் அவருடைய வேளையில் கொரோனாவை அழிக்க உண்மையுள்ளவராக இருக்கிறார். அல்லேலூயா ! 

தேவன் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.