கர்த்தர் நமது பெலனும், அரணான அடைக்கலமுமாயிருக்கிறார் (UK Lockdown - Day 67)

கர்த்தர் அவர்களுடைய பெலன்; அவரே தாம் அபிஷேகம்பண்ணினவனுக்கு அரணான அடைக்கலமானவர் (சங் 28:8)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில்  தியானத்துக்காக எடுத்துக்கொள்ளுவோம்.

பிரியமானவர்களே, மேலே கூறப்பட்டுள்ள வசனத்தை இரண்டு பகுதிகளாக பிரிக்க விரும்புகின்றேன். 

பிரியமானவர்களே, கர்த்தர் இயேசு கிறிஸ்துவை விசுவாசித்து அவரை இரச்சகராகவும், ஆண்டவராகவும் ஏற்றுக் கொண்ட ஜனங்களுக்கு, கர்த்தர் இயேசு கிறிஸ்து 

1 .  பெலனாக இருக்கிறார் 

2 . அரணான அடைக்கலமாக இருக்கிறார்

அல்லேலூயா ! 

பிரியமானவர்களே, ஆண்டவர் இயேசு கிறிஸ்துவே  நமக்கு பெலனாகவும், அரணான அடைக்கலமாகவும் இருக்கும் போது நாம் எதுக்கு நமக்கு எதிரிடையாக இருக்கும் சூழ்நிலையைப் பார்த்து பயப்பட வேண்டும், கர்த்தர் எல்லாவற்றையும் பார்த்துக் கொள்ளுவார். அல்லேலூயா !

தாவீதுக்கு அவருடைய ஆபத்து வேளைகளில் பெலனாகவும், அரணான அடைக்கலமாக இருந்த கர்த்தர் நிச்சயமாக அவருடைய வார்த்தைக்கு கீழ்ப்படிந்து அவரை ஆண்டவராகவும், இரச்சகராகவும் ஏற்றுக் கொண்ட அவருடைய பிள்ளைகள் அனைவருக்கும் ஆபத்து வேளைகளில் பெலனாகவும், அரணான அடைக்கலமாக இருப்பார் என்பதில் எந்த சந்தேகமுமில்லை. அல்லேலூயா !

கர்த்தர் இயேசு கிறிஸ்துவை தொடர்ந்து விசுவாசியுங்கள். அல்லேலூயா ! 

கர்த்தர் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.