கர்த்தருடைய சமாதானம் (UK Lockdown - Day 45)

கர்த்தர் தமது ஜனத்திற்குச் சமாதானம் அருளி, அவர்களை ஆசீர்வதிப்பார் (சங் 29:11).

என்னுடைய சாமாதானத்தையே உங்களுக்குக் கொடுக்கிறேன்; உலகம் கொடுக்கிறபிரகாரம் நான் உங்களுக்குக் கொடுக்கிறதில்லை. உங்கள் இருதயம் கலங்காமலும் பயப்படாமலும் இருப்பதாக (யோவா 14:27)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனங்களை இன்றைய தினத்தில்    தியானத்துக்காக எடுத்துக்கொள்ளுவோம்.

பிரியமானவர்களே, வேதம் சொல்லுகிறது, கர்த்தர் தமது ஜனத்திற்குச் சமாதானம் அருளி, அவர்களை ஆசீர்வதிக்கிறார் என்று, அவர் கொடுக்கின்றதான சமாதானம் உலகப் பிரகாரமான சமாதானமல்ல, அவர் கொடுக்கின்றதான சமாதானமும், சந்தோஷமும் நித்தியமானது, இந்த பூலோகத்தில் நமக்கு கிடைக்கும் ஆசிர்வாதங்களில் மிகவும் பெரியது கர்த்தருடைய சாமாதானமே. அல்லேலூயா ! 

பிரியமானவர்களே, கர்த்தர் இயேசு கிறிஸ்துவே சொல்லியிருக்கிறார் “உங்கள் இருதயம் கலங்காமலும் பயப்படாமலும் இருப்பதாக” என்று. ஆகவே பிரியமானவர்களே, இந்த பூலோகத்தில் நடக்கும் காரியங்களைப் பார்த்து நீங்கள் கலங்காமலும் பயப்படாமலும் இருந்து, கர்த்தருக்குள் எப்பொழுதும் சந்தோஷமாய் இருங்கள். அல்லேலூயா ! 

தேவன் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.