வருஷத்தை தம்முடைய நன்மையினால் முடி சூட்டும் தேவன்

வருஷத்தை உம்முடைய நன்மையால் முடிசூட்டுகிறீர் ( சங் 65 :11 ). ஆண்டவரும், இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். பிரியமானவர்களே ! மேலே கூறப்பட்டுள்ள வேத வசனத்தை இன்றைய நாளில் தியானதுக்காக எடுத்துக் கொள்ளுவோம்.தேவன் தாம் சிருஷ்டித்த ஒவ்வொரு மனுஷனுக்கும் ஆயுசு நாட்களை கூட்டிக் கொடுப்பதோடு ஒவ்வொருவருடைய  வருஷத்தையும் அவருடைய நன்மையினாலும் , கிருபையினாலும் முடி சூட்டுகிறார்.நன்மை என்பதற்கு, "நல்ல பங்கு" அல்லது "உயர்ந்த ஈவுகள்" என்பது அர்த்தமாகும்.உங்களுக்குத் தம்முடைய நல்ல ஈவுகளாகிய நன்மைகளைச் சம்பூரணமாக் கொடுக்க தேவன் விரும்புகின்றார். உங்களுடைய இருதயம் எந்த அளவுக்கு சுத்தமாயிருக்கிறதோ, அந்த அளவுக்கு, நீங்கள் தேவனுடைய நன்மையையும், கிருபையையும் உங்களுடைய வாழ்க்கையில் பெற்றுக் கொள்ளுவீர்கள். தாவீது ராஜாவின் இருதயம் சுத்தமாக இருந்ததினாலும், அவர் தேவனை நேசித்ததாலும் அவருடைய  ஜீவனுள்ள நாளெல்லாம் தேவனுடைய நன்மையும் கிருபையும் அவரைத் தொடர்ந்தது (சங். 23:6). நீங்களும் தாவீதை போல சுத்த இருதயத்தோடு தேவனை நேசிப்பீர்களானால் தேவன் உங்கள் ஆயுசு நாட்களை நன்மையினாலும், கிருபையினாலும் முடிசூட்டி உங்களை ஆசிர்வதிக்க அவர் உண்மை உள்ளவராக இருக்கிறார்.அல்லேலூயா ! கர்த்தர் இயேசு உங்களையும், உங்கள் குடும்பத்தையும் ஆசீர்வதிப்பாராக.