கர்த்தர் நன்மையானதைத் தருவார், தேசமும் தன் பலனைக் கொடுக்கும்

கர்த்தர் நன்மையானதைத் தருவார்; நம்முடைய தேசமும் தன் பலனைக் கொடுக்கும் ( சங் 85 : 12 ).ஆண்டவரும், இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். பிரியமானவர்களே ! மேலே கூறப்பட்டுள்ள வேத வசனத்தை இன்றைய நாளில் தியானதுக்காக எடுத்துக் கொள்ளுவோம். நீங்கள் வெகு நாட்களாய் நன்மையை எதிர் பார்த்து கிடைக்காத பட்ச்சத்தில் சோர்ந்து போய் இருக்கலாம். ஆனால் நான் நன்மையானதை உனக்குத் தருவேன்,நீ வாழுகின்ற இந்த தேசமும் தன் பலனைக் கொடுக்கும் என்று உனக்கு வாக்குக் கொடுத்த தேவன் தனது வாக்கு தத்ததில் உண்மை உள்ளவராக இருக்கிறார், நன்மை செய்வது தேவனின் குணாதிசயங்களில் ஒன்று, அவருக்கு தெரியும் எப்போது எந்த நன்மையை உங்களுக்கு கொடுக்க வேண்டும் என்று, அவருடைய வேளை வரும் போது தேவனிடம் இருந்து அந்த நன்மையை நீங்கள் பெற்றுக் கொள்ளுவீர்கள்.தேசம் ஆசிர்வதிக்க படுவதட்கும், தேசம் தன் பலனைக் கொடுப்பதட்கு கர்த்தருடைய கிருபையும், இரக்கமும் தேவை.ஆகவே தேசத்தை ஆட்சி செய்யும் தேசத் தலைவர்களை தேவன் வழிநடத்தும் படியாகவும், தேவனுடைய ஆளுகை தேசத்தில் இருக்கும் படியாகவும், தேசத்தில் தேவனுடைய சமாதானம் வரும் படியாகவும், நீங்கள் வாழ்ந்து கொண்டிருக்கின்ற உங்களுடைய தேசத்துக்காக தொடர்ந்து ஜெபிக்கும் போது தேசமானது தேவனுடைய வழிநடத்தலாலும் , தேவனுடைய ஆளுகையினாலும் , சமாதானத்தினாலும் நிரப்பியிருந்து, தேசமானது தன் பலனைக் கொடுக்கும். அல்லேலூயா ! கர்த்தர் இயேசு உங்களையும், உங்கள் குடும்பத்தையும் ஆசீர்வதிப்பாராக.