கர்த்தர் தம்மை நம்புகிறவர்களை அறிந்திருக்கிறார்

கர்த்தர் நல்லவர், இக்கட்டு நாளிலே அரணான கோட்டை; தம்மை நம்புகிறவர்களை அறிந்திருக்கிறார் (நாகூ 1 :7). ஆண்டவரும், இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய நாளில் தியானத்துக்காக எடுத்துக் கொள்ளுவோம். நீங்கள் தாயின் கர்ப்பத்தில் தோன்றின நாள் முதல் இந்நாள் வரை கர்த்தர் உங்களுடைய வாழ்க்கையில் செய்த நன்மைகளை நினைத்துப்பாருங்கள், அவர் உங்களை தாயின் கர்ப்பத்தில் நீங்கள் அழிந்து போகாத வண்ணம் பாதுகாத்து, இந்த பூலோகத்தில் நீங்கள் மானிடனாக பிறக்க உதவி செய்ததோடு , உங்களை போஷித்து , உங்களை உடுத்துவித்து, தீங்கு நாளில் உங்களூக்கு அரணான கோடடையாக இருந்து அவர் உங்களை பாதுகாத்து பராமரித்து வந்திருக்கிறார், அவர் உங்கள் வாழ்க்கையில் எண்ணி முடியாத நன்மைகளையும், அதிசங்களையும் செய்திருக்கிறார், மற்றும் கர்த்தர் தம்மை நம்புகிறவர்களை அறிந்திருப்பதோடு அவர்களுக்கு தம்முடைய கிருபையையும், இரக்கத்தையும் அளவுக்கதிகமாக கொடுத்து அவர் அவர்களை ஆசீர்வதிக்கிறார். அல்லேலூயா ! கர்த்தர் இயேசு உங்களையும், உங்கள் குடும்பத்தையும் ஆசீர்வதிப்பாராக.