நூறுமடங்கு பலன்

ஈசாக்கு அந்தத் தேசத்தில் விதைவிதைத்தான்; கர்த்தர் அவனை ஆசீர்வதித்ததினால் அந்த வருஷத்தில் நூறுமடங்கு பலன் அடைந்தான் (ஆதி 26:12). ஆண்டவரும் , இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக் கொள்ளுவோம். பிரியமானவர்களே, ஈசாக்கு தேசத்தில் விதை விதைத்த காலம் நீங்கள் நினைக்கிறது போல் செழிப்பான காலமல்ல, அது பஞ்சத்தின் காலம். ஆனால் ஈசாக்கை தேவன் ஆசீர்வதித்ததினால் அந்த வரு‌ஷத்தில் அவர் நூறு மடங்கு பலன்  அடைந்தார். அல்லேலூயா ! பிரியமானவர்களே, யார் மீதெல்லாம் கர்த்தருடைய கரம் இருக்கின்றதோ அவனுடைய வாழ்க்கை ஆசிர்வதிக்கப்படும். கர்த்தருடைய ஆசிர்வதிக்கின்ற கரம் ஈசாக்கின் மேலிருந்த படியால் அவர் பஞ்ச காலத்தில் விதை விதைத்தும் அந்த வருஷத்தில் அவர் நூறு மடங்கு பலன் அடைந்தார். அல்லேலூயா ! நீங்களும் உங்களுடைய வாழ்க்கையில் ஈசாக்கைப் போல் தியானிக்கிற மனுஷனாக, ஜெபிக்கிற மனுஷனாக வாழ்ந்து கர்த்தரை பிரியப்படுத்தும் போது, கர்த்தர் உங்களுடைய வியாபாரத்தில், உங்களுடைய தொழிலில், உங்களுடைய வேலையில்  உங்களுக்கும் நூறு மடங்கு பலனைப் பெற கட்டளையிடுவார் . அல்லேலூயா ! தேவன் இயேசு உங்களையும், உங்கள் குடும்பத்தையும் ஆசீர்வதிப்பாராக.