என்னிடத்தில் வருகிறவனை நான் புறம்பே தள்ளுவதில்லை

இயேசு அவர்களை நோக்கி ‘என்னிடத்தில் வருகிறவனை நான் புறம்பே தள்ளுவதில்லை’ (யோவா 6:37b). ஆண்டவரும், இரட்சகருமாகிய இயேசுகிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன். மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக் கொள்ளுவோம். பிரியமானவர்களே, ஆண்டவர் இயேசு கிறிஸ்து இனம், மதம், மொழி, சாதி, ஏழை, பணக்காரன், என்று மனுஷர்களை அவர் பிரித்துப் பார்ப்பதில்லை, யாரெல்லாம் அவரை விசுவாசித்து  அவரிடம் செல்லுகிறார்களோ அவர்களை அவர் ஒரு போதும் புறம்பே தள்ளுவதில்லை, அவர்களை அவ்வண்ணமாக ஏற்றுக்கொள்ளுகின்றார். அல்லேலூயா ! பிரியமானவர்களே, உங்களுக்கு ஆண்டவர் இயேசு கிறிஸ்து மீது விசுவாசம் இருக்கின்றதா? தேவன் இயேசு கிறிஸ்துவை  நீங்கள் விசுவாசித்து அவரிடம் செல்லும் போது அவர் உங்களை அவருடைய பிள்ளையாக ஏற்றுக் கொள்ளுவதோடு உங்களுடைய மனக் கவலைகளை, உங்களுடைய பாரங்களை, உங்களுடைய வியாதிகளை, உங்களுடைய பிரச்சனைகளை அவர் தீர்த்து வைக்க தேவன் இயேசு உண்மையுள்ளவராக இருக்கிறார். அல்லேலூயா ! தேவன் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.