கர்த்தருடைய நாமம் அவருடைய பிள்ளைகளுக்கு பலத்த துருகமாய் இருக்கின்றது

கர்த்தரின் நாமம் பலத்த துருகம்; நீதிமான் அதற்குள் ஓடிச் சுகமாயிருப்பான் ( நீதி 18 : 10 ) கர்த்தராகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்து கொள்ளுகிறேன். மேலே கூறப்பட்டுள்ள வேத வசனத்தை இன்றைய நாளில் தியானதுக்காக எடுத்துக் கொள்ளுவோம். பிரியமானவர்களே! கர்த்தர் தம்முடைய பிள்ளைகளுக்கு போதுமானவராய் இருக்கிறார்,அவர்களுக்கு கர்த்தருடைய நாமம் பலத்த துருகமாய் இருக்கின்றது, பெரிய கோபுரமாய் இருக்கின்றது.நீதிமான்கள் அதற்குள் பிரவேசித்து இளைப்பாறுதலடைவார்கள். நீதிமான்கள் ஓடி பாடி வேலை செய்து அதிக களைப்படைந்திருக்கும் போது கர்த்தருடைய நாமத்தில் இளைப்பாறுதலடைகின்றார்கள். கர்த்தருடைய பிள்ளைகளுக்குத் தேவையான ஆசிர்வாதங்களும், ஆறுதல்களும், ஆரோக்கியங்களும் கர்த்தருடைய நாமத்தில் இருக்கின்றது, ஆமென் ! கர்த்தருடைய நாமம் பலத்த துருகமாய் இருந்து அவர்களை பாதுகாக்கின்றது. உங்களை பாதுகாக்க கர்த்தருடைய நாமமே போதுமானது. அல்லேலூயா ! கர்த்தருடைய. நாமம் அவரை நம்பினவர்களுக்கு பலத்த துருகமாய் இருக்கின்றது.கர்த்தர் இயேசு பலத்த துருகமாய் இருந்து உங்களையும், உங்கள் குடும்பத்தையும்   பாதுகாப்பாராக.ஆமென் !