கர்த்தர் நகரத்தைக் காவாராகில் காவலாளர் விழித்திருக்கிறது விருதா (UK Lockdown - Day 79)

கர்த்தர் நகரத்தைக் காவாராகில் காவலாளர் விழித்திருக்கிறது விருதா (சங் 127:2)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில்  தியானத்துக்காக எடுத்துக்கொள்ளுவோம்.

பிரியமானவர்களே, சாலமோன் இஸ்ரவேலை ஆட்சி செய்த நாட்களில், தேசத்தை எதிராளிகளிடமிருந்து பாத்துகாத்துக் கொள்ள அவர் “விழித்திருந்து காவல் காக்கும் காவலாளிகளை” தேசத்தில் நியமித்திருந்தார். 

ஆனால் இங்கே அவர் சொல்லுகிறார் “கர்த்தர் நகரத்தைக் காவாராகில் காவலாளர் விழித்திருக்கிறது விருதா” என்று. அல்லேலூயா! 

பிரியமானவர்களே, சாலமோன் நன்கு அறிந்திருந்தார் தேசத்தை பாதுகாக்க  “விழித்திருந்து காவல் காக்கும் காவலாளிகள்” நியமிக்கப்பட்டிருந்தாலும் கர்த்தருடைய உதவியில்லாமல் எந்த காவலாளராலும் தன்னுடைய தேசத்தை காவல் காக்க முடியாதென்றும், கர்த்தரே தன்னுடைய தேசத்துக்கு காவலாளியாக இருக்கிறார் என்றும் அவர் விசுவாசித்தார். அல்லேலூயா ! 

பிரியமானவர்களே, இன்றைக்கு நாம் வாழுகிற தேசத்திலும் தேசத்தை “பாதுகாக்கும் படையினர்” நியமிக்கப்பட்டிருக்கிறார்கள் ஆனால் கர்த்தர் நகரத்தைக் காவாராகில் தேசத்தை யாராலும், எந்த படையினராலும் தேசத்தை பாதுகாத்துக் கொள்ள முடியாது, அது விருதாவாக போய் விடும், கர்த்தருடைய உதவியில்லாமல் யாராலும், தேசத்தை காக்கவும்t முடியாது, எந்த மருத்துவர்களாலும் கர்த்தருடைய உதவியில்லாமல் நோயாளிகளை காப்பாற்றவும் முடியாது. அல்லேலூயா ! 

கர்த்தர் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.