கர்த்தரை விசுவாசியுங்கள் (UK Lockdown - Day 89)

உங்கள் இருதயம் துவளாமலும், தேசத்தில் கேட்கப்படும் செய்தியினால் நீங்கள் பயப்படாமலும் இருங்கள்; ஒரு வருஷத்திலே ஒரு செய்தி கேட்கப்பட்டு, பின்பு மறுவருஷத்திலே வேறு செய்தி கேட்கப்படும் (எரேமி 51:46)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக்கொள்ளுவோம்.

பிரியமானவர்களே, யூதா ஜனங்கள் பாபிலோனியரினால் நெருக்கப்பட்ட போது கர்த்தர் எரேமியா தீர்க்கதரிசி மூலமாய் “ உங்கள் இருதயம் துவளாமலும், தேசத்தில் கேட்கப்படும் செய்தியினால் நீங்கள் பயப்படாமலும் இருங்கள்; ஒரு வருஷத்திலே ஒரு செய்தி கேட்கப்பட்டு, பின்பு மறுவருஷத்திலே வேறு செய்தி கேட்கப்படும்" என்று அவர்களுக்கு ஆலோசனை கொடுக்கிறார். அல்லேலூயா ! 

பிரியமானவர்களே, அன்று யூதா ஜனங்களுக்கு ஆலோசனை கொடுத்த கர்த்தர் இன்று இந்த பூலோகத்தில் வாழும் நம் ஒவ்வொருவரையும்  பார்த்து, தேசங்களில் நடை பெற்றுக் கொண்டிருக்கும் பயங்கரமான காரியங்களை பார்ப்பதினாலும்,செய்திகளில் கேள்விப்படுவதினாலும் உங்களுடைய இருதயம் துவளாமலும், பயப்படாமலும் இருக்க வேண்டும் என்றும், ஒரு வருஷத்திலே ஒரு செய்தி கேட்கப்பட்டு, பின்பு மறுவருஷத்திலே வேறு செய்தி கேட்கப்படும் என்றும் நமக்கு ஆலோசனை கூறுகிறார். அல்லேலூயா !

ஆம் பிரியமானவர்களே, நாம் கொரோனா தொற்றுக் கிருமியினால் நெருக்கப்படும் இந்த காலங்கள் கொஞ்சம் தான், கொரோனா கிருமிக்கு அழிவு நெருங்கிக் கொண்டிருக்கின்றது, நீங்கள் நல்ல செய்திகளை இன்னும் கொஞ்ச நாட்களில்  கேள்விப்படப் போகிறீர்கள். அல்லேலூயா ! 

பிரியமானவர்களே, Face mask, Hand sanitizer, social distancing இவை எல்லாவற்றையும் விடவும் கர்த்தருடைய கிருபையே உங்களையும், என்னையும், நம் ஒவ்வொருவருடைய குடும்பங்களையும் இந்நாள் வரை பாதுகாத்து வந்திருக்கிறது. 

ஆகவே பிரியமானவர்களே, உங்களுடைய இந்த ஆபத்தான நாட்களில் கர்த்தரை தொடர்ந்தும் நம்புங்கள். அல்லேலூயா ! 

தேவன் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.