கர்த்தருடைய கிரியைகளையும், கர்த்தருடைய துதிகளையும் பிரஸ்தாபம் பண்ணுவேன் (UK Lockdown - Day 72)

கர்த்தர் எங்களுக்குச் செய்தருளின எல்லாவற்றிற்கும் தக்கதாகவும், அவர் தம்முடைய இரக்கங்களின்படியும் தம்முடைய திரளான தயவுகளின்படியும், இஸ்ரவேல் வம்சத்துக்குச் செய்த மகா நன்மைக்குத்தக்கதாகவும், கர்த்தருடைய கிரியைகளையும், கர்த்தருடைய துதிகளையும் பிரஸ்தாபம் பண்ணுவேன் (ஏசா 63:7)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில்  தியானத்துக்காக எடுத்துக்கொள்ளுவோம்.

பிரியமானவர்களே, கர்த்தருடைய தீர்க்கதரிசி ஏசாயா கர்த்தர் இஸ்ரவேல் ஜனங்களுக்கும், தனக்கும் செய்த எல்லா நன்மைகளுக்காக தான்  கர்த்தருடைய கிரியைகளையும், கர்த்தருடைய துதிகளையும் பிரஸ்தாபம் பண்ணுவதாக கூறுகிறார். அல்லேலூயா ! 

ஆம் பிரியமானவர்களே, கர்த்தர் நம்முடைய தனிப்பட்ட வாழ்விலும், நம்முடைய குடும்ப வாழ்விலும் ஏராளமான நன்மைகளை செய்திருக்கிறார். அவ்வாறு கர்த்தர் நம்முடைய வாழ்க்கையில் செய்திருக்கிற ஒவ்வொரு நன்மைகளையும் ஆராய்ந்து பார்ப்போமானால்  நாம் அவற்றை கர்த்தரிடமிருந்து பெற்றுக் கொள்ளுவதட்க்கு எந்த விதத்திலும் தகுதியற்றவர்களாகவே இருந்திருக்கிறோம், ஆனால் கர்த்தர் எப்போதும் நல்லவராகவும், அன்புள்ளவராகவும் இருக்கிற படியாலும், அவர் நம் மீது இரக்கமுள்ளவராகவும், திரளான தயவுள்ளவராகவும் இருக்கிறபடியாலும் கர்த்தரிடமிருந்து ஏராளமான நன்மைகளை நாம் பெற்று இருக்கிறோம். அல்லேலூயா ! 

ஆகவே பிரியமானவர்களே, ஏசாயா தீர்க்கதரிசி போல் நாம் ஒவ்வொருவரும் கர்த்தர் நம்முடைய வாழக்கையில் செய்த நன்மைகளுக்காக, அதிசயங்களுக்காக கர்த்தருடைய கிரியைகளையும், கர்த்தருடைய துதிகளையும் பிரஸ்தாபம் பண்ணி கர்த்தருடைய நாமத்தை நம்முடைய வாழ்க்கையில் மகிமைப் படுத்துவோம். அல்லேலூயா ! 

கர்த்தர் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.