உமக்குப் பிரியமானதைச் செய்ய விரும்புகிறேன், உமது நியாயப்பிரமாணம் என் உள்ளத்திற்குள் இருக்கிறது (UK Lockdown - Day 74)

என் தேவனே, உமக்குப் பிரியமானதைச் செய்ய விரும்புகிறேன், உமது நியாயப்பிரமாணம் என் உள்ளத்திற்குள் இருக்கிறது என்று சொன்னேன். (சங் 40:8)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில்  தியானத்துக்காக எடுத்துக்கொள்ளுவோம்.

பிரியமானவர்களே, தாவீது தேவனையும், அவருடைய நியாயப் பிரமானத்தையும் மெய்யாகவே அன்பு கூர்ந்திருந்தார், அதனால்தான் தேவனையே “ஈசாயின் குமாரனாகிய தாவீதை என் இருதயத்துக்கு ஏற்றவனாகக் கண்டேன்; எனக்குச் சித்தமானவைகளையெல்லாம் அவன் செய்வான்” என்று அவனைக்குறித்துச் சாட்சியும் கொடுத்தார். அல்லேலூயா ! 

பிரியமானவர்களே, தாவீது அவருடைய வாழ்க்கையில் தேவனுக்கு பிரியமானவற்றை மாத்திரமே செய்து, தேவனை பிரியப்படுத்தி தேவன் அவருடைய வாழ்க்கையில் அவரைக் குறித்து வைத்திருந்த சித்தத்தை நிறைவேற்றினது போல் நாமும் நம்முடைய வாழ்க்கையில் தேவனையும், அவருடைய வார்த்தையையும் நேசித்து தேவனுக்கு பிரியமானவற்றை மாத்திரமே வாழ்க்கையில் செய்து தேவன் எங்களைக் குறித்து எங்களுடைய வாழ்க்கையில் வைத்திருக்கிற அவருடைய சித்தத்தை செய்து தேவனுடைய நாமத்தை எங்களுடைய வாழ்க்கையில் மகிமைப்படுத்துவோம். அல்லேலூயா ! 

தேவன் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.