ஆபத்து வேளையில் கர்த்தரே நமது அடைக்கலமும், அரணான கோட்டையும் (UK Lockdown - Day 95)

ஆனாலும் கர்த்தர் தமது ஜனத்துக்கு அடைக்கலமும் இஸ்ரவேல் புத்திரருக்கு அரணான கோட்டையுமாயிருப்பார் (யோவே 3:16 b)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக்கொள்ளுவோம்.

பிரியமானவர்களே, கர்த்தருடைய பிள்ளைகளாகிய நமக்கு இந்த பூலோகத்தில் பாடுகளும், உபத்திரவங்களும் உண்டு, ஆனால் நாம் ஆராதிக்கின்ற நம்முடைய கர்த்தர் இயேசு கிறிஸ்து  ஜீவனுள்ளவராக இருப்பதினால் இந்த பூலோகத்தின் பாடுகள் நம்மை ஒரு போதும் மேட்கொள்ளுவதில்லை, கர்த்தர் தன்னுடைய பிள்ளைகளாகிய நம் ஒவ்வொருவருக்கும் அடைக்கலமாகவும், அரணாகவும் இருந்து நம் ஒவ்வொருவரையும் நம்முடைய பிரச்சனைகளிலிருந்து, நம்முடைய உபத்திரவங்களிலிருந்து, நம்முடைய பாடுகளிலிருந்து விடுதலை செய்ய அவர் உண்மையுள்ளவராக இருக்கிறார். அல்லேலூயா !

பிரியமானவர்களே, கர்த்தரை எக்காலத்திலும் நம்பியிருங்கள், அவர் ஒரு போதும் உங்களை விட்டு விலகவும் மாட்டார், கை விடவும் மாட்டார். அல்லேலூயா ! 

கர்த்தர் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.