திரைக்குப் பின்னால் தன்னை மறைத்துக் கொண்டு செயல்படும் தேவன் (UK Lockdown - Day 100)

இஸ்ரவேலின் தேவனும் இரட்சகருமாகிய நீர் மெய்யாகவே உம்மை மறைத்துக்கொண்டிருக்கிற தேவனாயிருக்கிறீர் (ஏசா 45:15)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக்கொள்ளுவோம்.

பிரியமானவர்களே, ஏசாயா தீர்க்கதரிசி இங்கே தேவனை குறித்து ஒரு சத்தியத்தை வெளிப்படுத்துகிறார் “இஸ்ரவேலின் தேவனும் இரட்சகருமாகிய நீர் மெய்யாகவே உம்மை மறைத்துக்கொண்டிருக்கிற தேவனாயிருக்கிறீர்“ என்று. 

ஆம் பிரியமானவர்களே, ஏசாயா தீர்க்கதரிசி சொல்லுகிற பிரகாரம்  நாம் ஆராதிக்கின்ற நம்முடைய ஆண்டவர் “திரைக்குப் பின்னால் மறைந்திருந்து கிரியைகளை நடப்பிக்கின்ற தேவனாக இருக்கின்றார்” அல்லேலூயா! 

பிரியமானவர்களே, அன்று இஸ்ரவேல் ஜனங்கள் நெருக்கத்திலிருந்த போது மறைந்திருந்து கிரியைகளை நடப்பித்து அவர்களுக்கு ஜெயத்தைக் கொடுத்த தேவன் இன்றும் நம்முடைய வாழ்க்கையில் அவ்வாறே செயல்படுகிறார், திரைக்குப் பின்னால் மறைந்திருந்து மனுஷர்களை, அதிகாரிகளை கருவியாக பயன்படுத்தி அவர்கள் மூலமாய் கிரியைகளை நடப்பித்து நம்முடைய வாழ்க்கையில் ஜெயத்தை கொடுக்கின்றார் அல்லேலூயா ! 

தேவன் இயேசு கிறிஸ்து உங்களையும், உங்கள் குடும்பத்தையும் ஆசீர்வதிப்பாராக.