நீ பயப்படவும் கலங்கவும் வேண்டாம் (UK eased more lockdown restrictions - Day 108)

கர்த்தர்தாமே உனக்கு முன்பாகப் போகிறவர், அவர் உன்னோடே இருப்பார்; அவர் உன்னை விட்டு விலகுவதுமில்லை, உன்னைக் கைவிடுவதுமில்லை; நீ பயப்படவும் கலங்கவும் வேண்டாம் (உபா 31:8)

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக்கொள்ளுவோம்.

பிரியமானவர்களே, சூழ்நிலை உங்களுக்கு விரோதமாக இருப்பதினால் என்னவாகும் என்று பயந்து கலங்கிப் போய் இருக்கிறீர்களா? 

ஆண்டவர் இயேசு கிறிஸ்து உங்களை பார்த்து 6 காரியங்களை சொல்லுகிறார்,

1) நான் உனக்கு முன்பாகப் போகிறேன் 

2) நான் உன்னோடே இருக்கிறேன்

3) நான் உன்னை விட்டு விலகுவதில்லை 

4) நான் உன்னை கை விடுவதில்லை 

5) நீ பயப்பட வேண்டாம் 

6) நீ கலங்க வேண்டாம்

அல்லேலூயா ! 

பிரியமானவர்களே, தேவன் தனது வாக்குத்தத்தத்தில் உண்மையுள்ளவராக இருக்கிறார், தாயின் கருவில் உங்களை சிருஷ்ட்டித்து, உங்களை பாதுகாத்து, இந்த பூலோகத்துக்கு உங்களை கொண்டு வந்து, இந்நாள் வரை உங்களை அவர் எல்லா தீங்குக்கும் இந்த பூலோகத்தில் பாதுகாத்து வந்திருக்கிறார், அவர் எப்போதும் உங்களுடனே இருக்கிறார். ஆகவே நீங்கள்  பயப்படவும் வேண்டாம், கலங்கவும் வேண்டாம், அவர் உங்களை கை விடவும் மாட்டார், உங்களை விட்டு விலகவும் மாட்டார். அவர் (தேவன் இயேசு) உங்களுடனே இருந்து, உங்களுடைய வேண்டுகோள் விண்ணப்ப படிவத்துக்கு  முன்பாக சென்று கோணல் எல்லாவற்றையும் செவ்வைப்படுத்தி, அதிகாரிகளின் கண்களில் தயவுகளை உண்டு பண்ணித் தந்து உங்களுக்கு வாழ்க்கையில் ஜெயத்தைக் கொடுக்க தேவன் உண்மையுள்ளவராக இருக்கிறார், அல்லேலூயா !

பிரியமானவர்களே, தேவன் இயேசு கிறிஸ்துவை தொடர்ந்து விசுவாசியுங்கள், அவர் உங்களையும், உங்கள் குடும்பத்தையும் ஆசீர்வதிப்பார்.