இடறல்களை வழியிலிருந்து எடுத்துப் போடும் தேவன் (UK eased more lockdown restrictions - Day 123)

வழியை உயர்த்தி உயர்த்தி, அதைச் செம்மைப்படுத்தி, இடறல்களை என் ஜனத்தின் வழியிலிருந்து எடுத்துப்போடுங்கள் என்னப்படும் (ஏசா 57:14 )

ஆண்டவரும், இரட்சகருமாகிய இயேசு கிறிஸ்துவின் நாமத்தில் உங்களுக்கு வாழ்த்துதல்களை தெரிவித்துக் கொள்ளுகிறேன்.

பிரியமானவர்களே, மேலே கூறப்பட்டுள்ள வேத வசனத்தை இன்றைய தினத்தில் தியானத்துக்காக எடுத்துக்கொள்ளுவோம்.

பிரியமானவர்களே, இந்த பூலோகத்தில் வாழ்ந்து கொண்டிருக்கும் கர்த்தருடைய பிள்ளைகளாகிய நம் ஒவ்வொருவருக்கும் பாடுகளும், உபத்திரவங்களும் நிச்சயம் உண்டு, ஆனால் பிரியமானவர்களே, நல்ல செய்தி என்னெவென்றால் நம்மை சிருஷ்டித்தவரும், நம்முடைய ஆண்டவரும், நம்முடைய இரச்சகருமாகிய இயேசு கிறிஸ்து அவரை நம்புகிற அவருடைய பிள்ளைகளாகிய நம் ஒவ்வொருவருடைய வாழ்க்கையிலிலும், நம்முடைய வழிகளிலும் நாம் சமாதானமாகவும், ஆறுதலாகவும் இந்த பூலோகத்தில் ஜீவிப்பதுக்கு தடையாக இருக்கும் ஒவ்வொரு தடைகளையும், ஒவ்வொரு இடறல்களையும் நீக்கிப் போட்டு, அவர் தம்முடைய கிருபையினால் நம் ஒவ்வொருவருவருடைய வாழ்க்கையிலும் இருக்கும் நம்முடைய தேவைகள் எல்லாவற்றையும் அதினதின் நாட்களில் சந்தித்து அவர் நம் ஒவ்வொருவரையும் இந்த பூலோகத்தில் ஆசிர்வதிக்கிறவர், அல்லேலூயா!

ஆகவே பிரியமானவர்களே, நீங்கள் இந்த பூலோகத்தில் வாழும் இந் நாட்களில் உங்களுக்கு இருக்கும் உங்களுடைய  பிரச்சனைகளில் உங்களுடைய கவனத்தை செலுத்துவதை நிறுத்தி விட்டு, உங்களுடைய பிரச்சனைகளை, உங்களுடைய தடைகளை, உங்களுடைய இடறல்களை நீக்கிப் போடுகிற ஆண்டவர் இயேசு கிறிஸ்து மீது உங்களுடைய கவனத்தை செலுத்துங்கள். அல்லேலூயா ! 

பிரியமானவர்களே, நம்முடைய ஆண்டவருக்கு  “தடைகளை நீக்கிப்போடுகிறவர்”என்று ஒரு பெயர் உண்டு. அல்லேலூயா ! 

ஆகவே பிரியமானவர்களே, உங்களுடைய   வாழ்க்கையில் உங்களுக்கு எதிராக இருக்கும் உங்களுடைய தடைகளை நீக்கிப் போடுகிற (மீகா 2:13) உங்களுடைய வழியில் உங்களுக்கு எதிராக இருக்கும் இடறல்களை எடுத்துப் போடுகிற (ஏசா 57:14) ஆண்டவர் இயேசு கிறிஸ்து மீது நீங்கள் உங்களுடைய விசுவாசத்தை வையுங்கள், அவர் ஒரு போதும் உங்களை கை விட மாட்டார். அல்லேலூயா!

ஆண்டவர் இயேசு கிறிஸ்து உங்களையும், உங்கள் ஆசீர்வதிப்பாராக. ஆமென்.